Momente tmerri ka kaluar roja e një pike grumbullimi ne Vaqarr ku ka ranë pre e një tentative grabitjeje në orët e para të mëngjesit.
Personat e maskuar sapo kanë hyre brenda kane thyer dyerte e zyrave dhe kane kontrolluar ambientet e brendshme me qëllim grabitje
Tre persona të maskuar kanë lidhur rojen dhe më pas kanë nisur të kontrollojnë ambientet e firmës me qëllim grabitjen e parave. Nga këqyrja e kamerave të sigurisë, rezulton se autorët e kësaj tentative janë larguar më pas me një mjet “Benz”.
Pronarët mësohet se janë thirrur në komisariatin nr. 6 por nuk kanë sqaruar se sa ishte sasia e parave që kishin në subjekt dhe nëse është vjedhur nga grabitësit. Është thirrur për të dhënë dëshminë edhe roja, i cili ka deklaruar se nuk është dhunuar kur e kanë lidhur. Ai është shprehur se autorët i kanë thënë te mos reagoje pasi nuk kanë asgjë me të.
“Më datë 01.04.2017, rreth orës 03:25, në një pikë për grumbullimin e hekurit në Vaqarr, pronësi të shtetasit J. C., kanë hyrë tre shtetas, të cilët sapo janë diktuar nga roja e pikës janë larguar menjëherë pa arritur të marrin gjë. Grupi hetimor po punon për identifikimin dhe kapjen e autorëve”, citohet në njoftimin e policisë.